Dös is mein Österreich (Niederösterreichisches Heimatlied)      

1) Is wo a Landl, nöt z'groß un nöt z'kloan
Aba für uns akrat recht, wiar i moan.
S'Land hat vier Viertl, sunst wars ja nöt ganz;
Und wost'di hindrahst, a niads volla Glanz.
Dass d'nöt lang ratn muaßt, Brüaderl, i nenns:
Dös is mein Österreich unter der Enns.

2) Mostviertl lacht wiar a Kinderl ön Tram;
Rund um dö Bauernhöf d'blühradn Bam.
Ötscher und Sunntaberg stengan in Ruah,
Guckan ön Leutn ban Arbatn zua.
Woaßt', wo dös Fleckerl is ? Brüaderl, i kenns:
Dös is mein Österreich unter der Enns.

3) Enta da Doana, Bua, schau nur recht gnaun,
Rinnan dö Wasserl wia Dirndlaugn braun.
Wald gibt's und Stoana viel; aba dö Leut
Ham an da Hoamat eahn Stolz und eah Freud.
Woasst', wo dös Fleckerl is, Brüaders i kenns:
Dös is mein Österreich unter der Enns.

4) Und untern Mannhartsberg, da is's halt fesch,
d'Leutl sand rassi und rödn kinnan's resch.
Ebmaus, da wachsn dö Troda so fein
Und um dö Gstettna, da bamt si da Wein.
Woaßt', wo dös Fleckerl is ? Brüaderl, i kenns:
Dös is mein Österreich unter der Enns.

5) Weanawald, Weanawald, ollweil voll Pracht
Ob's'n verschneibt oder d'Sunn drüber lacht
Doppelt erscht schen, wan dö Waldröserl blüahn
Oder ön Hörigst dö Buachabam glüahn.
Woaßt', wo dös Fleckerl is ? Brüaderl, i kenns:
Dös is mein Österreich unter der Enns.

6) Mittn durchs Landl rinnt d'Doana so stramm,
Halt wia a Bandl dös Ganzö fest zsamm.
Und wo's di anlacht am mehrastn blau,
Dort is da Herzpunkt van Land, dö Wachau.
Brüaderl, wost'schaust umadum Liabs und Schens:
Dös is mein Österreich unter der Enns.