Ållaweil kånn ma net lustig sein

1) Ållaweil kånn ma net lustig sein,
ållaweil håt ma ka Schneid!
Ållaweil busst ma sei Deanderl net,
Deanderl net, weils oan net ållaweil gfreit und juche!
Ållaweil busst ma sei Deanderl net,
Deanderl net, weils oan net ållaweil gfreit und juche!

2) Wann i am Sonntag in d'Kirchen geh,
ziag i mein Spatzenfrack a,
siacht mi mei Diandl in da Kirchn stehn, Kirchn stehn,
schaut sie koan Heilign mehr a und juchhe!
Siacht mi mei Diandl in da Kirchn stehn, Kirchn stehn,
schaut sie koan Heilign mehr a.

3) Vater, wann gibst ma denn 's Heiratsguat?
Vater, wann lasst ma's vaschreibm?
's Diandl wachst auf wia a Kerschnbam, Kerschnbam,
ledi wüll's a neama bleibm und juche!
's Diandl wachst auf wia a Kerschnbam, Kerschnbam,
ledi wüll's a neama bleibm und juche!