Wos braucht ma aufm Bauerndorf?      

1) An Bäcker der guad backt
und d'Semmeln ned z'kloa macht,
a Schuihaus mit am Lehrer drin,
an Dokta und a Medizin.
Des braucht ma aufm Bauerndorf,
des braucht ma aufm Dorf.

2) An Knecht, der net bloß schwitzt,
wann er beim Essen sitzt,
a Harfn und an Dudlsack,
an guatn Rauch- und Schnupftabak.
Des braucht ma aufm Bauerndorf,
des braucht ma aufm Dorf.

3) An Stier, der fleißig springt,
an Pfarrer, der schee singt,
a Katz, de wo recht fleißig maust,
a Dirn, der wo's vor garnix graust.
Des braucht ma aufm Bauerndorf,
des braucht ma aufm Dorf.

4) Koan Schuasta und koan Bäcka,
de kloana Bauern verrecka.
In d'Stod fahrn d'Leit zur Arbat nei,
auf d'Nacht schoitn's an Fernseher ei.
So is heit aufm Bauerndorf.
so is heit aufm Dorf.